Menntabúðir #Eymennt 5/6

Fimmtu menntabúðir #Eymenntar í vetur verða haldnar í Þelamerkurskóla þriðjudaginn 21. febrúar kl. 16:15-18:00. Viðfangsefni menntabúðanna er upplýsingatækni í skólastarfi.

Að venju verður byrjað á að safnast saman til að kynna dagskrána. Síðan verða tvær lotur með menntabúðum og kaffitími á milli þeirra.

Kl. 16:15-16:30 Móttaka

Kl. 16:30-17:05 Fyrri lota menntabúðanna

Kl. 17:05-17:25 Kaffitími

Kl. 17:25-18:00 Seinni lota menntabúða

Smellið hérna til að skoða dagskrána. Hún mótast fram að menntabúðunum og tekur mið af því sem þið getið lagt fram, enn eru laus pláss og viðfangsefnin eru mörg og við erum viss um að þið getið miðlað af reynslu ykkar.

#Eymennt er samstarfsverkefni sex skóla við Eyjafjörð um menntabúðir um upplýsingatækni í skólastarfi. Skólarnir eru Hrafnagilsskóli, Brekkuskóli, Oddeyrarskóli, Þelamerkurskóli, Dalvíkurskóli og Grunnskóli Fjallabyggðar.

Á skólaárinu 2016-2017 eru áformað að halda sex menntabúðir, eina í hverjum skóla. Menntabúðirnar eru opnar öllum áhugasömum kennurum og skólastjórnendum af öllum skólastigum.