Tæknótíðindi
29. ágúst 2025
Það var bæði góð stemmning og góð mæting í nýnemaferðir Tækniskólans sem farnar voru á Stokkseyri í vikunni. Nemendur í Tækniskólanum á Háteigsvegi og í Hafnarfirði fór á miðvikudag og nemendur á Skólavörðuholti fóru svo á fimmtudag.
Nýnemaferðin er frábært tækifæri fyrir nemendur til þess að kynnast betur og hefja skólaárið á þennan skemmtilega hátt. Takk fyrir komuna og sjáumst í skólanum.
Við vorum að setja í loftið ferðavenjukönnun fyrir bæði nemendur og starfsfólk. Tilgangurinn með henni er að auka þekkingu okkar á núverandi ferðamáta nemenda og starfsfólks til og frá skóla og nýta niðurstöður inn í undirbúningsvinnu vegna nýs Tækniskóla sem stefnt er að því að taka í notkun árið 2030.
Þátttakendum býðst að fara í verðlaunapott í lok könnunarinnar. Við hvetjum ykkur kæru nemendur til að taka þátt með því að smella á hlekkinn hér fyrir neðan. Það tekur um 3 mínútur að svara.
Kærar þakkir!
Hjá tölvuþjónustu Tækniskólans starfa margir snjallir sérfræðingar sem eru boðnir og búnir að aðstoða. Þeir nemendur sem þurfa aðstoð geta sent tölvupóst á netfangið tolvuthonusta@tskoli.is eða haft samband í síma 514 9050
Á vefsíðu skólans eru fjölmörg kynningarmyndbönd sem innihalda mjög góðar leiðbeiningar fyrir hin ýmsu verkefni, t.d. um skólanetföng, lykilorð, One Drive og TEAMS.
Við höldum áfram að kynna keppendur sem eru á leið til Danmerkur í september að keppa á Euroskills.
Bryndís Sigurjónsdóttir, nemandi Tækniskólans á hársnyrtibraut og Íslandsmeistari í faginu, mun keppa fyrir hönd Íslands á mótinu. Hún hefur verið á stífum æfingum síðustu vikur og hlakkar til að takast á við þessa krefjandi áskorun. Sigurlaug Ingvarsdóttir, kennari í hársnyrtiiðn, segir Bryndísi einstaklega faglega og hún hlakkar til þess að fylgjast með henni keppa.
Irena Fönn Clemmensen keppandi Íslands á Euroskills 2023 hefur m.a. aðstoðað Bryndísi við undirbúning.
Við óskum Bryndísi góðs gengis á Euroskills 2025
