Þetta var nokkuð viðburðarík vika hjá okkur. Hún byrjaði með hvelli, frekar hvasst á mánudaginn og vantaði marga nemendur í skólann. Það var ákveðið að allur skólinn færi saman í mat og þeir eldri leiddu þá yngri í gegnum storminn og allt gekk vel. Allur skólinn tók líka frímínútur saman og eldri nemendur léku við þá yngri, einstaklega skemmtilegt og vel gert hjá þeim.
Veltibíllinn kom líka í heimsókn og það vakti mikla lukku hjá flestum en sumir völdu að horfa á.
Á þriðjudag var skipulagsdagur og á miðvikudaginn komu nemendur í samskiptaviðtal með foreldrum.
Á fimmtu- og föstudag voru leikjadagar þar sem áhersla var á nám í gegnum leik. Á fimmtudeginum sá hver kennari um að tengja námið við leiki og það var gaman að sjá hvað var mikil fjölbreytni í því.
Í morgun byrjaði dagurinn í íþróttahúsinu með þeim Gunnari og Felix. Gunnar sagði okkur leyndarmálið á bak við góða barnabók og Felix sagði okkur frá því hvað fjölskyldur geta verið fjölbreyttar og allskonar. Í lokin var sungið og dansað, frábært að byrja leikjadag með þeim félögum.
Næst fórum við á Bjargstúnið þar sem við hlupum í skarðið :)
Við þetta bættist svo bleikt þema :) virkilega hressandi og skemmtileg vika.
