Fréttabréf apríl
4. tbl 16. árg. 1. apríl 2025
Veitingar á kaffihlaðborð
Sú hefð hefur skapast í Naustaskóla að hvert heimili kemur með einn rétt eða eina köku á kaffihlaðborðið. Búið er að setja upp skipulag yfir hvað ætlast er til að hver árgangur komi með. Ef í skólanum eru fleira en eitt barn frá sama heimili má velja hvorn réttinn það kemur með. Við tökum á móti veitingum í heimilisfræðistofunni á milli kl 8:10 - 9:00 á árshátíðardaginn. Hefð er komin fyrir þessu fyrikomulagi í tengslum við árshátíð skólans og hefur það gengið vel hingað til og vonum við að svo verði áfram. Við biðjum ykkur að merkja ílát vel með nafni barns ykkar svo það skili sér aftur heim.
Samfélagslögreglan
Við viljum vekja á því að við höfum verið í samtali við samfélagslögregluna en hún vill öðru fremur öðlast traust nemenda, starfsfólks skóla og foreldra og vinna með forvarnir.
Samfélagslögreglan er búin að koma tvisvar í vetur til okkar í skólann og einnig á aðalfund foreldrafélagsins nú í haust.
Merki eru um að ákveðin ofbeldismenning sé að þróast meðal barna hérlendis og teikn eru á lofti um sömu þróun og hefur átt sér stað á mörgum Norðurlöndunum. Þróunin er áhyggjuefni sem þarf að bregðast við. Hér má sjá skýrslu um Aðgerðir gegn ofbeldi meðal barna.
