Febrúar

Í þessu fréttabréfi má sjá yfirlit yfir það helsta sem er framundan í þessum mánuði. Febrúar er fremur stuttur mánuður þar sem hann telur aðeins 28 daga en myrkrið heldur áfram að hopa og sólin hækkar á lofti, sem gerir okkur gott. Það getur verið kalt þó birtan sé meiri svo það er mikilvægt að börnin klæði sig vel eftir veðri svo hægt sé að njóta útiverunnar betur.

Útvistardagur er áætlaður 10.febrúar og planið að við öll förum í Hlíðarfjall til að læra og leika.

Kær kveðja frá skólastjórnendum Naustaskóla

3. febrúar Félak - vímuefna fræðsla 10. bekkur.

6. febrúar Mathöll Naustaskóla

6. febrúar Dagur leikskólans

7. febrúar Þorgrímur Þráinsson fræðsla fyrir 5. - 10.bekk.

7. febrúar Dagur tónlistarskólans

10. febrúar Útivistardagur

11. febrúar dagur íslenska táknmálsins.

11. febrúar Hinsegin fræðsla 9.bekkur

14. febrúar Hinsegin fræðsla 3. og 6. bekkur

- febrúar Grófin fræðsla 9.bekkur.

21. febrúar Alþjóðadagur móðurmálsins

23. febrúar Konudagurinn - upphaf Góu

Viðtalsdagar 3.-4. mars nánari upplýsingar þegar nær dregur.

Borið hefur á því að allt niður í yngstu nemendur skólans séu að ræða og leika eftir þáttum sem heita Squid Gameen, en aldurstakmark þáttana er 16 ára og ekki af ástæðulausu. Þættirnir fjalla í stuttu máli um " hóp af fólki í fjár­krögg­um sem er lát­inn taka þátt í nokkr­um barna­leikj­um. Verðlaun­in eru marg­ir millj­arðar, sem hljóm­ar ekki illa fyrr en þátt­tak­end­ur átta sig á því að ef þú tap­ar, þá deyrðu."

Á heimasíðu SAFT má finna gagnlegar upplýsingar um áhorf og netöryggi ofl. https://www.saft.is/fraedsluefni?maincategory=Foreldrar&subcategory=Netheilr%C3%A6%C3%B0i

Átján flottir fulltrúar úr Naustaskóla tóku þátt í Stórþinginu á dögunum, þar sem börn og ungmenni í sveitarfélaginu fengu tækifæri til að ræða málefni sem þeim eru hugleikin. Stórþingið er mikilvægur vettvangur fyrir ungt fólk til að hafa áhrif á þjónustu sveitarfélagsins og framtíðarþróun þess. Hugmyndir þátttakenda verða nýttar í verkefnið Barnvænt sveitarfélag og munu þannig hafa raunveruleg áhrif á samfélagið okkar. Stórþingið í máli og myndum.

Amtsbókasafnið ætlar að halda upp á daginn í heila viku.

Vikuna 17.-22. febrúar verður lifandi sýning í anddyri safnsins í tilefni dags móðurmálsins:

• Laugardaginn 15. febrúar verður fánasmiðja á safninu frá klukkan 13 -15 og ætlum við að nota fánana til þess að skreyta anddyrið á Amtsbókasafninu.
• Fimmtudaginn 20. febrúar klukkan 16:30 verður sögustund á fleiri tungumálum – íslensku, spænsku, tékknesku og þýsku og föndur á eftir.

Það er um að gera fara og gera sér glaðan dag og taka þátt, eitthvað skemmtilegt er að gerast á hverjum degi. Hér má sjá heimasíðu Amtbókasafnsins

Mikilvægt er að bera virðingu fyrir fjölbreytileikanum og til að hægt sé að ræða um og spá í hinsegin veruleika verðum við að eiga orð og hugtök yfir hann. Ef við ættum engin orð yfir hinsegin tilveru værum við fátækari. Hér í þessum tengli má sjá ýmislegt um hinsegin málefni.

• Meginreglur Jákvæðs aga er að hjálpa til við að byggja samband væntumþykju og virðingar og þær auðvelda að finna lausnir til frambúðar.
• Jákvæður agi byggir á kennslu, skilningi, hvatningu og samskiptum.

Naustaskóli

Tölvupóstur: naustaskoli@akureyri.is

Heimasíða: www.naustaskoli.is

Hólmatún, Akureyri, Iceland

Sími 460 4100