Tæknótíðindi

• 7. október - Nýnemakvöld Hinsegin félagsins
  
• 8. október - Fundur um listamarkað Tækniskólans og klúbbakvöld
• 13. og 14. - október - Námsmatsdagar
• 15. - október - Vetrarfrí
• 16. - október - 2. spönn hefst

Tækniskóladagurinn var haldinn í þriðja sinn miðvikudaginn 24. september en þá sóttu á annað þúsund nemendur og fjöldi starfsfólks viðburði í skólanum og/eða fyrirtæki í atvinnulífinu heim. Yfir 50 viðburðir voru á dagskrá og hafa aldrei jafn margir nemendur tekið þátt.

BESTU þakkir til allra sem lögðu okkur lið á þessum frábæra degi. Það var gaman að sjá hvernig tekið var á móti okkar fólki af ALÚÐ og fagmennsku.

Gervigreind, þar á meðal spjallforrit eins og ChatGPT, er orðin aðgengileg og áhrifamikil tækni í námi og kennslu. Hún getur verið gagnleg til að styðja við sköpun, lærdóm og upplýsingaleit en notkun hennar kallar jafnframt á skýrar siðferðilegar, fræðilegar og tæknilegar reglur. Tilgangur nýrra leiðbeininga sem Tækniskólinn setur fram er til að tryggja ábyrga, gagnsæja og siðferðilega meðvitaða notkun gervigreindar í skólastarfinu.

Gert er ráð fyrir því að notendur kynni sér þessar leiðbeiningar og tileinki sér ábyrg vinnubrögð.

Hinsegin félag Tækniskólans býður nýnema velkomna!

Hinsegin félag Tækniskólans býður nemendur skólans velkomna á nýnemakvöld þriðjudaginn 7. október í stofu 407 kl. 17–21. Markmiðið er að skapa notalegt rými þar sem nýnemar geta kynnst, tekið þátt í samtali og orðið hluti af öflugu félagslífi skólans.

Allir nemendur eru hjartanlega velkomnir, ekki bara nýnemar.

Viltu sýna list þína eða selja verkin þín?

Í haust verður í fyrsta skipti haldinn listamarkaður í Tækniskólanum. Markaðurinn er ætlaður nemendum sem vilja sýna eða selja eigin verk, hvort sem það eru málverk, prent, textíl, keramik eða önnur listsköpun.

Til að undirbúa markaðinn verður haldinn fundur næsta miðvikudag kl. 16:15 í Framtíðarstofunni á Skólavörðuholti. Þar kynnum við hugmyndina nánar, ræðum saman um hvaða dagsetning hentar best og fáum ykkar ábendingar.

Veitingar í boði, öll velkomin!

Við hvetjum nemendur skólans til þess að velja áfanga í opnu vali. Margir áhugaverðir áfangar eru í boði s.s. útivist og fjallgöngur, teiknimyndasögur, fatasaumur, kvikmyndagerð og blak.

Hér má sjá nánari leiðbeiningar um áfangaval og brauta­skipi. Nem­endum er einnig boðin aðstoð við valið hjá umsjónarkennara eða skólastjóra.