Smore logo
remove_red_eye 306
page background

Fréttamolar úr MS

23. janúar 2025

Fréttamolar úrMS23. janúar 2025
zoom_out_map

Þá er vetrarönn meira en hálfnuð, nemendur hafa fengið miðannarmat og ættu að vera upplýstir um stöðu sína í náminu. Það er nauðsynlegt að taka mark á miðannarmatinu og nemendur sem fengu Ó þurfa að leggja sig sérstaklega fram út önnina til að bæta stöðuna. Námsráðgjafar eru til taks ef nemendum vantar aðstoð - hægt að bóka tíma hér.


Kennslukönnun hefst í næstu viku í nokkrum námsgreinum og hvetjum við nemendur til að taka þátt.

Dagsetningar framundan 📆 Dagsetningar framundan 📆

Fimmtudagur 23. jan.: MS mætir Versló í æfingakeppni fyrir Morfís í Verzlunarskólanum kl. 18

Fimmtudagur 23. jan.: Lið MS mætir liði Borgó í 2. umferð Gettu betur kl. 20:35 - mæting í RÚV Efstaleiti kl. 20:20

Þriðjudagur og miðvikudagur 28.-29. jan.: Matsdagar. Dagskrá birtist á www.msund.is.

Föstudagur 14. feb.: Síðasti kennsludagur vetrarannar

Mán. og þri. 17.-18. feb.: Matsdagar

Fimmtudagur 20. feb.: Námsmatssýning

Mánudagur 24. feb.: Upphaf vorannar

Námsgögn - áminning 👈 Námsgögn - áminning 👈

zoom_out_map

Við minnum nemendur og forsjárfólk þeirra á að nemendur eiga að koma með eigin námsgögn í skólann. Ber þar helst að nefna námsbækur og ritföng en jafnframt hleðslutæki fyrir tölvur og reiknivélar. Vakin er athygli á því að nemendur í stærðfræði þurfa að nota reiknivélar í prófum og ýmsum verkefnum svo ekki dugir að vera með símareiknivél.

Gettu betur! Gettu betur!

Þau Oliwia Eva, Sigurjón Nói og Matthilda Ósk sigruðu MK í fyrstu umferð Gettu betur með glæsibrag. Næst keppa þau við Borgó í 2. umferð fimmtudaginn 23. janúar. Ljóst er að þar verður háð hörð keppni um að komast áfram í 3. umferð, sem fara mun fram í beinni í sjónvarpssal!


Nemendur eru hvattir til að mæta og styðja liðið í Útvarpshúsinu Efstaleiti. Keppnin hefst kl. 20:35, mæting kl. 20:20.

Morfís Morfís

Morfís er komið á flug þetta skólaárið og stífar æfingar í gangi. MS mætir Versló í æfingakeppni fyrir Morfís í Verzlunarskólanum fimmtudaginn 23. janúar kl. 18. Nemendur MS eru hvattir til að mæta og hvetja sitt lið.


Viðfangsefni dagsins er Stríð fyrir frið og er MS á móti en Versló með.

Vigdís, Ásgeir, Alfreð, Agla og María eru í Morfís liðinu

FRÍS FRÍS

zoom_out_map

Rafíþróttakeppni framhaldsskólanna er að hefjast um þessar mundir og hafa lið MS verið skipuð. Keppt er í Counter Strike 2, Rocket League og Fornite. MS hefur tekið þátt undanfarin ár og í ár var mikill áhugi á þátttöku sem sýnir að þessi keppni er komin til að vera.

Stöðupróf í þýsku og tælensku Stöðupróf í þýsku og tælensku

Stöðupróf í þýsku og tælensku verða haldin í Menntaskólanum við Sund þriðjudaginn 28. janúar. Próf í þýsku hefst kl. 11, próf í tælensku hefst kl. 13:30.


Próftökugjald er 15.000 kr. og er óendurkræft. Nemendur geta fengið allt að 20 einingar metnar í tungumálinu. Smellið á myndina til að kynna ykkur málið.

open_in_new zoom_out_map

Músíktilraunir Músíktilraunir

Nú styttist óðum í Músíktilraunir 2025 og ungt og upprennandi tónlistarfólk á aldrinum 13 – 25 ára er hvatt til að taka þátt. Keppnin fer fram í Hörpu, undankvöldin frá 27. mars – 30. mars og úrslitakvöldið til 6. apríl.


Skráning þátttakenda hefst á www.musiktilraunir.is 15. febrúar. og lýkur 3. mars.

Jafnréttisvika SMS Jafnréttisvika SMS

Feministaráð SMS og jafnréttisnefnd skólans standa fyrir Jafnréttisviku í skólanum þessa dagana. Dagskrá vikunnar má finna á síðunni hér fyrir neðan. Nemendum gefst kostur á að taka þátt í Jafnréttiskvissi og verður dregið úr innsendum svörum í hádeginu á föstudag - nánari upplýsingar á síðunni.

open_in_new zoom_out_map

Smellið á myndina til að opna heimasíðuna Smellið á myndina til að opna heimasíðuna

Baulan 2025 Baulan 2025

zoom_out_map

Baulan, söngvakeppni SMS, var haldin þann 9. janúar í Sjálfstæðishúsinu við Austurvöll. Þar stigu á stokk fjöldamörg hæfileikabúnt. Keppnin fór vel fram og voru nemendur og SMS skólanum til sóma.



Sigurvegari kvöldsins var Þóra Fanney Hreiðarsdóttir og óskum við henni innilega til hamingju!

Njótið vikunnar 🥰 Njótið vikunnar 🥰

Menntaskólinn við Sund Msund
Menntaskólinn is using Smore to create beautiful newsletters
Loading indicator

close

Created with

Communicate quickly and effectively with interactive newsletters.

Smore empowers educators to connect with their community, streamline school communications,
and increase engagement.

Create a newsletter