Fréttabréf Síðuskóla

Þá er sumarleyfið að baki og munum við hefja skólastarfið með skólasetningu föstudaginn 22. ágúst, kennsla hefst svo samkvæmt stundaskrá mánudaginn 25. ágúst kl. 8:10 nema hjá 1. bekk. Foreldrar og nemendur 1. bekkjar fá póst frá umsjónarkennurum varðandi að bóka viðtal. Sjá nánar hér neðar í fréttabréfinu.

Nemendur í Síðuskóla eru um 380 og starfsmenn rúmlega 90 talsins. Við bjóðum bæði nýja nemendur og nýtt starfsfólk velkomið í hópinn til okkar. Neðar í fréttabréfinu má sjá hverjir eru umsjónarkennarar árganga.

Marías deildarstjóri er í námsleyfi þetta skólaár og í hans stað hefur Anna María Þórhallsdóttir verið ráðinn deildarstjóri.

Við hlökkum til samstarfs við ykkur á komandi skólaári og munum hafa einkunnarorð skólans að leiðarljósi en þau eru ábyrgð, virðing og vinátta. Við þurfum að vera samstíga í að byggja upp framsækinn og öflugan skóla þar sem allir eru metnir að verðleikum og líður vel.

Með góðri kveðju!

Ólöf, Helga og Anna María

Síðuskóli verður settur föstudaginn 22. ágúst. Tímasetningar eru sem hér segir:
2. - 5. bekkur mætir kl. 9:00.
6. - 10. bekkur mætir kl. 10:00.
Nemendur mæta í sínar heimastofur og koma síðan á sal með starfsfólki. Hér fyrir neðan er hægt að sjá kort af skólanum og á því eru heimastofur bekkjanna. Foreldrar og nemendur 1. bekkjar verða boðaðir í viðtal til umsjónarkennara með tölvupósti.

Foreldrar/forráðamenn eru velkomnir með börnunum sínum á skólasetningu, við biðjum þá sem mæta með sínum börnum að mæta með þeim fyrst í heimastofu.

Skráning í ávaxta- og mjólkuráskrift fer fram á vala.is með rafrænum skilríkjum. Skráning frá síðasta skólaári helst óbreytt inni nema skráningu sé breytt á vala.is

Gjald er innheimt á níu mánuðum þ.e. mánuðina september - maí.

Gjaldinu vegna daganna í júní og ágúst er jafnað á hina mánuðina.

Ávaxtaáskrift 2.162 kr.

Mjólkuráskrift 955 kr.

Skólamáltíðir eru gjaldfrjálsar og ekki þarf að skrá nemendur í mat.

Skólinn byrjar kl. 8.10 á morgnana.

Skólinn opnar kl. 7.45. Boðið er upp á frían hafragraut á morgnana áður en skóli hefst og í frímínútum fyrir 8.-10. bekk.

Nemendur í 1. bekk fá póst varðandi skráningu í samtal hjá umsjónarkennurum sem verða föstudaginn 22. ágúst og mánudaginn 25. ágúst.

Föstudaginn 22. ágúst opnar Frístund kl. 12 fyrir alla sem þar eru skráðir. Mánudaginn 25. ágúst gefst 1. bekkingum kostur á að nýta frístund fram til 13.15 án kostnaðar. Almenn vistun hefst svo kl. 13:15 þann sama dag. Þeir sem vilja nýta Frístund á þessum tíma eru beðnir um að senda póst á deildarstjóra forvarnar- og frístundamála, Andra Má Mikaelsson andri.mikaels@siduskoli.is.

1. bekkur - Alda Ýr Guðmundsdóttir og Lilja Þorkelsdóttir

2. bekkur - Gréta Björk Halldórsdóttir og Sigríður Jóna Ingólfsdóttir

3. bekkur - Fríða Kristín Hreiðarsdóttir og Kristín Dögg Jónsdóttir

4. bekkur - Fríða Rún Guðjónsdóttir og Magnea Guðrún Gróa Karlsdóttir

5. bekkur - Matthildur Stefánsdóttir og Melkorka Mjöll Kristinsdóttir

6. bekkur - Arna Valgerður Erlingsdóttir og Rannveig Heimisdóttir

7. bekkur - Hafdís María Tryggvadóttir og Kolbrún Sveinsdóttir

8. bekkur - Ólafur Haukur Tómasson og Sigríður Jóhannsdóttir

9. bekkur - Heiða Björg Guðjónsdóttir og Sonja Björk Dagsdóttir

10. bekkur - Hulda Guðný Jónsdóttir, Katrín María Hjartardóttir og Þröstur Már Pálmason