Fréttabréf Grenivíkurskóla
9. tbl. 6. árg. - nóvember 2025
Kæra skólasamfélag
Áfram flýgur tíminn og nóvember handan við hornið! Framundan er myrkasti tími ársins og þá er um að gera að leita allra leiða til að létta lundina og lýsa upp skammdegið. Við minnum á að gott er að skoða fatnað og töskur barnanna með tilliti til endurskinsmerkja, þau gera gæfumun.
Október var fjölbreyttur og skemmtilegur hjá okkur. Á dagskrá voru t.d. tónleikar hjá Tónlistarskóla Eyjafjarðar, Reykjaferð hjá 7. og 8. bekk, skólaheimsóknir í framhaldsskólana á Akureyri hjá 9.-10. bekk, hrekkjavaka og ótalmargt fleira. Myndir frá völdum viðburðum og almennt úr skólalífinu má nálgast neðar í fréttabréfinu.
Nóvember verður að sama skapi viðburðaríkur. Ber fyrst að nefna foreldraviðtöl, en þau fara fram fimmtudaginn 13. nóvember. Miðvikudaginn 12. nóvember er starfsdagur og frí hjá nemendum. Frekari upplýsingar og skráning í foreldraviðtöl berast ykkur í tölvupósti á næstunni.
Að lokum bendi ég á þetta skemmtilega viðtal við rithöfundinn Brynhildi Þórarinsdóttur um barna- og ungmennabókmenntir og mikilvægi þess að hefja lestraruppeldi strax í fæðingarorlofi. Hvet ykkur til að kíkja á það!
Með kveðju úr skólanum,
Þorgeir Rúnar Finnsson
skólastjóri Grenivíkurskóla
Nemendaráð 2025-2026
Nemendur á unglingastigi og miðstigi kusu fulltrúa í nemendaráð fyrir skólaárið 2025-2026 um daginn. Á unglingastigi voru kosnir þrír fulltrúar, en tveir á miðstigi. Nemendaráðið er að þessu sinni skipað eftirtöldum nemendum:
Katla Eyfjörð Þorgeirsdóttir - 10. bekkur
Ágúst Hrafn Guðjónsson - 9. bekkur
Sindri Páll Ragnarsson - 9. bekkur
Lilja Katrín Harðardóttir - 5. bekkur
Páll Þórir Þorkelsson - 5. bekkur
Við óskum þeim til hamingju með kjörið og höfum fulla trú á því að þau sinni störfum sínum af krafti í vetur.
Grænfáninn
Í grænfánadálki fréttabréfsins í vetur verður sjónum meðal annars beint að hinum ýmsu hugtökum sem varða umhverfisnefnd.
Hugtak nóvembermánaðar er hringrás kolefnis. Í náttúrunni eru margir ferlar samtímis í gangi. Vistkerfi í góðu ástandi eru með virkar hringrásir kolefnis, vatns, næringarefna og kolefnis og súrefnis.
Hér má nálgast frekari upplýsingar um hringrás kolefnis.
Heilsueflandi skóli
Dagatal Velvirk fyrir þennan mánuð ber yfirskriftina "nýjar leiðir í nóvember". Á dagatalinu má finna ýmsar tillögur sem eru í anda þess sem rannsóknir hafa sýnt að geti hjálpað fólki að lifa hamingjuríkara lífi, svo sem að gefa af sér, tengjast öðrum, finna tilgang, leika sér og njóta augnabliksins.
Smellið hér til að sjá útprentanlegt pdf-skjal með dagatalinu.
Myndir úr skólastarfinu
- 8.-10. bekkur á SAM-skóladegi í Stórutjarnaskóla - 23. september
- 7. og 8. bekkur á Reykjum - 6.-9. október
- Tónleikar hjá Tónlistarskóla Eyjafjarðar - 15. október 2025
- 9. og 10. bekkur í heimsókn í MA, VMA og á heimavistinni - 8. október
- 1.-4. bekkur á sýningunni Jazz-hrekkur - 27. október
- Ýmsar myndir af yngsta stigi - október
- Hrekkjavaka - 31. október
Á döfinni í nóvember
- 3. nóvember: Skáld í skólum.
- 7. nóvember: Danssýning kl. 13:00.
- 8. nóvember: Baráttudagur gegn einelti.
- 12. nóvember: Starfsdagur - frí hjá nemendum.
- 13. nóvember: Viðtalsdagur.
- 16. nóvember: Dagur íslenskrar tungu.
- 19. nóvember: Valgreinar - 2. lota hefst.
- 20. nóvember: Dagur mannréttinda barna.
- 30. nóvember: Fyrsti sunnudagur í aðventu.
Matseðill
Útgefandi: Grenivíkurskóli
Ábyrgðarmaður: Skólastjóri Grenivíkurskóla
Tölvupóstur: grenivikurskoli@grenivikurskoli.is
Heimasíða: http://www.grenivikurskoli.is
Sími: 414-5413
Facebook: Grenivíkurskóli