Smore logo
remove_red_eye 508
page background

Fréttabréf Brekkuskóla

Desember 2023

Fréttabréf Brekkuskóla Desember 2023

Ágætu foreldrar og forráðamenn

Í desember er margt brallað í skólanum sem tengist aðventu og jólum en við höldum líka okkar striki og sinnum náminu af fullum krafti. Það er aldrei of oft minnst á mikilvægi lesturs og nú er góður tími til að ýta undir lestraráhuga barna með því að setjast niður og lesa með þeim. Í skólanum er unnið með lestur og læsi á margvíslegan hátt. Á yngsta stigi er unnið út frá Byrjendalæsi og hljóðaaðferð og einnig er stuðst við PALS aðferðina. Á mið- og elsta stigi er áfram unnið með PALS og aukin krafa gerð til skilnings og lestrarfimi, ásamt því að áhersla er lögð á vandaðan upplestur. Á öllum stigum þarf að styrkja áhugahvöt nemenda á margvíslegan hátt með því að tryggja að þeir hafi val um fjölbreytt lesefni og góðar lestrarfyrirmyndir. Þessa dagana eru nemendur í 10. bekk með kynningar á nýjum bókum fyrir yngri nemendur. Þetta eru skemmtilegar stundir og vel til þess fallnar að auka áhuga barna á bókum.


Með von um ánægjulega aðventu!

Starfsfólk Brekkuskóla

zoom_out_map

Litlu - jól 19. og 20. desember 2023

Dagskrá 19. desember:

8. - 10. bekkur mætir í stofur kl.20 jóladagskrá til kl. 21:30


Dagskrá 20. desember:

1. og 2. bekkur mætir í stofur kl. 8:00
Skóladegi lýkur á milli kl. 9:30 og 10:00

Frístund opnar kl. 8 fyrir nemendur sem eru skráðir.


3. og 4. bekkur mætir í stofur kl. 9:00
Skóladegi lýkur á milli kl. 10:30 - 11:00

5. - 7. bekkur mætir í stofur kl. 10:00 skóladegi lýkur um kl. 11:30


Boðið verður upp á mandarínur, piparkökur og kakó fyrir alla árganga.


Kennsla hefst á nýju ári fimmtudaginn 4. janúar 2024.

zoom_out_map

Heilsueflandi Brekkuskóli

Brekkuskóli vinnur að því að vera Heilsueflandi grunnskóli. Í skólanum er starfandi nefnd sem hefur það meginmarkmið að setja fram heilsustefnu skólans og standa vörð um að við vinnum eftir henni.

Í vetur verður lögð sérstök áhersla á tvo þætti; hreyfingu og mataræði.

Hreyfing: Áhersla skal lögð á að hvetja nemendur og starfsfólk til hreyfingar á skólatíma. Stuðla að reglubundinni hreyfingu í kennslustofu. Skólaumhverfið hvetji til hreyfingar og útiveru. Hvetja nemendur og starfsfólk til að nota virkan ferðamáta til og frá skóla.

Mataræði: Áhersla lögð á að bjóða upp á fjölbreytt og hollt fæði í mötuneyti skólans. Nemendur komi með hollt og næringarríkt nesti. Fræða og leiðbeina um mikilvægi holls og góðs mataræðis.

zoom_out_map

Mentor - tilkynningar til foreldra

Til að fá tilkynningar um færslur í mentor þurfa foreldrar sjálfir að haka við þær tilkynningar sem þeir vilja fá. Með því að smella á tilkynningar í símann í appinu eða smella á tilkynningar á vefnum.

Ef hakað er við Yfirlit dagsins þá birtast dagbókarfærslur hjá foreldrum.


Undir flipanum Persónuvernd geta aðstandendur stillt hvaða upplýsingar þeir vilja að séu sýnilegar öðrum aðstandendum á tengiliðalistanum. Það er gert með því að smella á reitina með tölunni 0 og þá breytist dálkurinn, verður fjólublár og sýnir töluna 1. Þegar breytingarnar hafa verið vistaðar verða upplýsingarnar sýnilegar öðrum.

zoom_out_map

Hafðu samband

Ábyrgðarmenn: Stjórnendur Brekkuskóla

Email: brekkuskoli@brekkuskoli.is
Website: brekkuskoli.is
Location: v. Skólastíg
Phone: +354 414-7900
Facebook: https://www.facebook.com/brekkuskoli.is/

Brekkuskóli
Ábyrgðarmenn: Stjórnendur Brekkuskóla
Loading indicator

close

Created with

Communicate quickly and effectively with interactive newsletters.

Smore empowers educators to connect with their community, streamline school communications,
and increase engagement.

Create a newsletter