Kæru foreldrar, nemendur og starfsfólk!
Núna eru síðustu skóladagarnir framundan og styttist í sumarfrí nemenda.
Að venju verðum við með umhverfisdaga og skipulag þeirra er að finna hér neðar í bréfinu. Gott er að skoða það skipulag vel. Þessa daga munum við fara um okkar nærumhverfi, læra og leika okkur.
Síðasta skóladaginn munum við svo enda á grilli í útigarðinum.
Skólaslit verða 5. júní og tímasetningar má sjá hér neðar í bréfinu.
Við þökkum kærlega fyrir samstarfið á þessu skólaári og bjóðum tilvonandi nemendur velkomna í skólann. Þetta fréttabréf er einnig sent á verðandi foreldra í 1. bekk.
Í haust munu 32 nemendur hefja skólagöngu í Síðuskóla. Í ár útskrifast 38 nemendur og mun því fækka lítillega í skólanum frá og með hausti. Við óskum útskriftarnemendum alls hins besta og þökkum og foreldrum/forráðamönnum kærlega fyrir samstarfið sl. 10 ár.
Skólasetning næsta skólaárs er föstudaginn 22. ágúst og verða sendar nánari upplýsingar í ágúst auk þess sem þær verða settar á heimasíðuna.
Marías deildarstjóri verður í námsleyfi á næsta skólaári og í hans stað verður Anna María Þórhallsdóttir.
Megið þið eiga ljúfa og góða daga í sumarleyfinu!
Bestu kveðjur úr skólanum!
Ólöf, Malli og Helga
Skólaslit Síðuskóla vorið 2025
Skólaslit Síðuskóla verða fimmtudaginn 5. júní.
Árgangar mæta í heimastofur og fara saman í sal. Þar kveður skólastjórinn fyrir hönd skólans og síðan fara nemendur í sínar heimastofur þar sem hópurinn er kvaddur. Foreldrar eru að sjálfsögðu velkomnir með sínum börnum. Við miðum við að skólinn sé í eina klukkustund.
- Klukkan 9:00 1.-5. bekkur
- Klukkan 10:00 6.-9. bekkur
Útskrift 10. bekkjar kl. 15:00 í Glerárkirkju og kaffi í skólanum á eftir fyrir nemendur, fjölskyldur þeirra og starfsfólk.
