Upplýsingar af ýmsum toga

Meðan á skólalokun varir er mikilvægt að það sé virkt upplýsingaflæði til ykkar allra. Hluti af því eru stutt fréttabréf sem eru send út reglulega. Í þeim er að finna alls kyns mikilvægar upplýsingar og biðjum við ykkur því að lesa allt sem í þeim er.

Meðan á skólalokun varir falla vinnustofur niður. Nemendum er bent á að hafa samband við kennara sína ef þeir þurfa aðstoð við námið.

Á meðan á samkomubanninu fá nemendur gjaldfrjálsan aðgang að vefnum Snöru. Snara er verkfæri fyrir tugi orðabóka og uppflettirita. Nemendur VA hafa fengið sendan gestalykil í tölvupósti og geta með honum fengið aðganginn í gegnum hvaða tæki sem er.

Áfangar í hreyfingu (HREY áfangar) eru ekki kenndir gegnum Bláa hnöttinn.

Nemendur eiga þó að skila einum 40 - 50 mínútna hreyfingartíma á viku.

Salóme íþróttakennari hvetur nemendur til að hreyfa sig meira en það, skella sér út að hreyfa sig því það er svo mikilvægt að standa upp og fá sér ferskt loft og koma endurnærður aftur inn í ,,skólastofuna".

Möguleikar til að skila hreyfingatímum á Kennsluvefinn til Salóme svo þeir komi inn í námsmat áfanganna:

• Hægt er að nýta heilsuapp og skila skjáskoti af hreyfingu sem appið sýnir
• Hægt er að fara í ræktina og biðja starfsmann að kvitta fyrir mætingu - nóg er að starfsmaður skrifi nafn sitt og dagsetningu á blað og þið skilið síðan mynd af því.

Hafið í huga að gaman getur verið að hreyfa sig saman! Um að gera að finna sér ,,hreyfingarfélaga".

Salóme hefur breytt námsmati í hreyfingu í ljósi þeirra aðstæðna sem við stöndum nú frammi fyrir. Á meðan skólinn er lokaður verður virkni aðal námsmatsþátturinn - þ.e. að nemendur skili inn staðfestingu á hreyfingu í hverri viku.

Sendið Salóme línu ef eitthvað er óljóst - salome@va.is