Fréttamolar úr MS
5. nóvember 2025
Haustönn að ljúka!
Nú er fyrstu önn skólaársins að ljúka, síðasti kennsludagur er föstudagurinn 7. nóvember. Í næstu viku verður því engin kennsla en þá eru engu að síður mikilvægir dagar sem skipta nemendur máli eins og matsdagar, einkunnaskil og námsmatssýning, sjá nánar á myndinni hér að neðan.
Kennsla á vetrarönn hefst þriðjudaginn 18. nóvember og þá verða allir nemendur búnir að fá nýjar stundatöflur en nánari upplýsingar um þær og töflubreytingar berast þegar nær dregur.
Kennslukönnun í Innu
Kennslukönnun haustannar er opin í Innu fram á síðasta kennsludag. Á þessari önn eru kennslukannanir lagðar fyrir í áföngum í dönsku, þýsku, frönsku, íslensku, hagfræði og viðskiptagreinum. Kennslukönnun er tækifæri nemenda til að láta rödd sína heyrast og við hvetjum nemendur til að taka þátt.
Gettu betur prufur 6. nóv.
Oxbridge sumarnámskeið - kynning 7. nóv.
Nemendur og foreldrar fengu póst í gær um kynningu á sumarnámskeiði á vegum Oxford og Cambridge fyrir MS-inga. Skráningarhlekkur í þeim pósti virkaði ekki og hér er því réttur hlekkur: Skráning á kynningu á sumarnámskeiði í Cambridge/Oxford í ágúst 2026
Kynningin fer fram í skólanum föstudaginn 7. nóvember kl. 10:30 í Bjarmalandi. Nemendur þurfa að skrá sig svo við vitum fjölda þátttakenda og getum haldið utan um mætingarskráningu.
Foreldrar velkomnir með á kynninguna!
Nafnasamkeppni fyrir nýju kennslustofurnar
Nýju gulu kennslustofurnar okkar eru alveg að verða tilbúnar og nú vantar nafn á þessa nýju byggingu. Reglan í MS er sú að byggingar og rými eiga sín eigin nöfn. Flest rými hafa nöfn sem tengjast örnefnum í nágrenninu eða eldri heitum í skólanum. Það er þó ekki algilt! Fyrstu þrír stafirnir í heitinu tákna hluta af stofunúmerinu. Dæmi: Aðalsteinn - AÐA. Nemendur og starfsfólk eru hvött til þess að taka þátt í nafnasamkeppni um nöfn á nýju skólastofurnar okkar! Allir þátttakendur fara í pott og geta unnið til verðlauna!
Fréttir úr félagslífi nemenda
- 3. – 7. nóvember: Góðgerðarvika SMS, sem Hagsmunaráð stendur fyrir. Markmið vikunnar í ár er að safna fé til styrktar Minningarsjóði Bryndísar Klöru. Nemendur taka þátt í allskonar áskorunum í fjáröflunarskyni. Sjá meira á Instagramsíðu Hagsmunaráðs.
- 24. – 28. nóvember: 85’vika SMS, dansleikur þann 27. nóvember í Gamla bíó.
- 1. – 5. desember: Málfóvika sem málfundarfélagið stendur fyrir.