Fréttamolar úr MS
21. október 2025
Dagsetningar framundan
Föstudagur 24. okt.: Matsdagur
Mánudagur 27. okt.: Haustfrí
Þriðjudagur 28. okt.: Matsdagur
Föstudagur 7. nóv.: Síðasti kennsludagur haustannar
Mánudagur 10. nóv.: Matsdagur
Þriðjudagur 11. nóv.: Matsdagur
Miðvikudagur 12. nóv.: Einkunnaskil
Fimmtudagur 13. nóv.: Námsmatssýning
Föstudagur 14. nóv.: Annarlok
Þriðjudagur 18. nóv.: Fyrsti kennsludagur vetrarannar
Föstudagur 19. desember: Brautskráning haustannar
Matsdagar og haustfrí
Haustfrí verður í MS mánudaginn 27. október. Í kringum þessa helgi eru einnig matsdagar, þ.e. föstudaginn 24. október og þriðjudaginn 28. október. Ekki er kennt samkvæmt stundaskrá þessa daga en nemendur geta verið kallaðir inn í verkefni eða próf.
Dagskrá matsdaga birtist á heimasíðu skólans fimmtudaginn 23. okt. Nemendur bera sjálfir ábyrgð á því að vera í sambandi við sína kennara varðandi verkefni og próf á matsdögum og mæta á réttum stað og stund.
Kennslukönnun á haustönn
Kennslukönnun haustannar opnar í Innu fimmtudaginn 23. október. Á hverri önn er lögð fyrir kennslukönnun í nokkrum námsgreinum í einu. Á haustönn verða kennslukannanir lagðar fyrir í dönsku, þýsku, frönsku, íslensku, hagfræði og viðskiptagreinum. Við hvetjum nemendur til að taka þátt í kennslukönnun og hafa þar með áhrif á gæðastarf í skólanum.
Leikfélag MS kynnir með stolti...
Leikfélagið Thalía mun setja upp söngleikinn Fútlús vorið 2026! Leikprufur fara fram í vikunni og öll áhugasöm eru hvött til að mæta í prufur. Það er hægt að sækja um að fá þátttöku í leikritinu metna til eininga. Söngvarar, leikarar, dansarar, búningahönnuðir, leikmyndahönnuðir, förðunar- og hárgreiðslusnillingar - verið með! :D
Í vikunni verða söng-, leik- og dansprufur og síðar verður auglýst eftir fólki í aðrar undirnefndir. Fylgist vel með á Instagram síðu leikfélagsins fyrir skráningu í prufur og nánari upplýsingar.
Gettu betur prufur á næstunni
MS tekur að sjálfsögðu þátt í Gettu betur og stefnir á að komast í sjónvarpið líkt og undanfarin ár! Prufur til að komast í Gettu betur liðið verða haldnar á næstu dögum - fylgist vel með!
Munum bleika daginn á morgun, 22. október!
Morfís lið MS 2025-2026
Á síðasta skólaári komst MS í úrslit Morfís sem var heilmikið ævintýri. Morfís heldur áfram í ár og MS-ingar vita að það skiptir öllu að mæta á keppnirnar og hvetja sitt fólk frá upphafi til enda. Áfram MS!
Morfís lið MS 2025-2026: María Sól, Sóley Svana, Alfreð Gauti, Hjalti og Ísabella
Stöðupróf í tungumálum
Oxbridge - sumarnámskeið fyrir MS-inga í Cambridge
Áhugasömum MS-ingum gefst kostur á að sækja sumarnámskeið sumarið 2026 á vegum hinna virtu Oxford og Cambridge háskóla. Nánari upplýsingar um námskeiðið má lesa í bæklingi hér að neðan og haldinn verður upplýsingafundur fyrir áhugasöm þann 7. nóvember næstkomandi. Nánari upplýsingar veita kennslustjóri og konrektor á skrifstofu skólans.
