Tæknótíðindi

• 26. ágúst - Fyrri nýnemaferð
• 28. ágúst - Seinni nýnemaferð
  
• 28. ágúst - Skráning til útskriftar

Það var góður andi á þremur móttökum nýnema í Tækniskólanum í síðustu viku en þá tók starfsfólk skólans á móti fjölmennasta hópi nýnema við skólann frá upphafi. Alls 460 nemendur sem voru að ljúka grunnskóla í vor hefja nám í Tækniskólanum þetta haustið. Við viljum nota tækifærið og þakka nemendum kærlega fyrir virkilega góða framkomu og kurteisi.

Það er von okkar að námið í Tækniskólanum standi undir væntingum og að dvöl ykkar í skólanum verði uppbyggileg og skemmtileg.

Um miðjan september fer Evrópumeistaramót ungs fólks í iðn- og starfsgreinum, Euroskills, fram í Herning í Danmörku. Að þessu sinni munu 13 íslensk ungmenni í jafnmörgum greinum etja kappi við þau bestu í Evrópu. 6 þessara ungmenna eru ýmist núverandi nemendur Tækniskólans eða útskrifuð frá Tækniskólanum.

Á myndinni hér fyrir neðan sjáið þið einn keppendanna, Hildi Magnúsd. Eirúnardóttur, sem mun vera fyrst Íslendinga til að keppa í málaraiðn á Euroskills. Hún hefur æft sig af kappi í allt sumar undir handleiðslu Halldórs Benjamíns kennara og notar hún nú síðustu vikurnar til þess að vinna æfingaverkefni úr fyrri keppnum. Myndin er tekin að aflokinni 3 daga törn þar sem Hildur vann verkefnið sem lagt var fyrir keppendur á síðasta Euroskills móti sem haldið var í Gdansk í Póllandi árið 2023.

Við hlökkum sannarlega til að fylgjast með keppendum og óskum þeim góðs gengis á lokametrum undirbúnings Euroskills.

Tækni­skólinn leggur mikið upp úr öfl­ugri stoðþjón­ustu sem ætlað er að styðja við nem­endur og starfs­fólk skólans. Þjón­ustan er fjöl­breytt og nær meðal annars yfir aðstoð í námi, sér­kennslu, náms- og starfsráðgjöf, sálfræðiaðstoð, for­varnarstarf og aðstoð með félagsmál.

HÉR má finna hlekk á upplýsingasíðu náms- og starfsráðgjafa og HÉR er hlekkur á upplýsingasíðu sálfræðings skólans.

Allir nemendur Tækniskólans fá nemendaskírteini sem þeir eru beðnir um að hafa á sér í skólanum. Á skírteininu er mynd af nemandanum auk nafns og undirskóla sem viðkomandi er í (t.d. Tæknimenntaskólinn, Byggingatækniskólinn o.s.frv.). Skírteinið virkar einnig í sumum tilvikum sem aðgangskort að tilteknum rýmum.

Nemendaskírteinin eru jafnframt prentkort og fylgir þeim inneign sem dugar langflestum en hægt er að kaupa aukakvóta ef þarf á bókasöfnum. Nemendaskírteinin eru innifalin í skóla­gjöldum en það kostar 2.000 kr. að end­ur­nýja glatað kort.

Í Tækniskólanum eru geymslu­skápar til afnota fyrir nem­endur án end­ur­gjalds.

Regl­urnar eru ein­faldar:

• Fyrstur kemur, fyrstur fær. Ef skápur er opinn er hann laus til notkunar.
• Nota skal eigin lás.
• Skápar skulu tæmdir og skildir eftir opnir í lok skólaárs.
• Þann 1. júní ár hvert ár verður klippt á lása á lokuðum skápum og þeir tæmdir.