Tæknótíðindi

• 3. febrúar - Miðasala á árshátíð hefst
• 4. febrúar - Klúbbakvöld Háteigsvegi
• 9. febrúar - Miðspannarmat birt
• 12. febrúar - Árshátíð Tæknó og MH

Árshátíðarball nemendasambands Tækniskólans og nemendafélags MH verður haldið 12. febrúar í Kolaportinu. Þema árshátíðarinnar er Royal. Listamennirnir Sykur, BlazRoca, DJ Kollz, Inspector Spacetime og Saint Pete koma fram.

Miðasala á ballið hófst í dag 3. febrúar á NST.is. Upplýsingar um kvöldverð Tæknó á undan ballinu koma fyrir vikulokin með tölvupósti. Þetta er í annað skiptið sem þessir tveir skólar taka höndum saman um árshátíðarball en sameiginlega ballið í fyrra heppnaðist mjög vel.

Í næstu viku fer fram ytra mat á starfsemi Tækniskólans en slíkt mat er framkvæmt í framhaldsskólum á nokkurra ára fresti og er á vegum mennta- og barnamálaráðuneytis. Í þetta sinn fer ytra matið fram á Skólavörðuholti.

Matið fer fram með þeim hætti að matsaðilar fara í skoðunarferðir um skólann, koma í heimsóknir í einhverjar kennslustundir og taka viðtöl við hluta nemenda og starfsfólks.

Núna á fimmtudagsmorgun 5. febrúar fá allir nemendur skólans senda könnun í tölvupósti og er afar mikilvægt að þátttaka verði góð en könnunin veitir nemendum tækifæri til að láta rödd sína heyrast í ytra matinu.

Júlía Rós Kristinsdóttir, nemandi á hönnunar- og nýsköpunarbraut, sigraði söngkeppni Tækniskólans, Átótjúnið, sem fram fór miðvikudaginn 21. janúar í Mengi. Hún flutti lagið Still loving you eftir Scorpions sem hún segist hafa haldið haldið upp á í töluverðan tíma.

Júlí Rós verður því fulltrúi Tækniskólans í Söngkeppni framhaldsskólanna sem fer fram laugardaginn 11. apríl í Háskólabíói.

Í öðru sæti keppninnar hafnaði Yiannis Voulgarakis, nemandi á hljóðtæknibraut, sem flutti lagið My life með Imagine Dragons og í þriðja sæti varð Helga Lilja Eyþórsdóttir, nemandi á tölvubraut, sem flutti lagið lagið Maybe This Time úr söngleiknum Cabaret.

Dómnefnd skipuðu þau Ólafur Páll Gunnarsson, Klara Einarsdóttir og Brynja Gísladóttir, nemandi á málarabraut og sigurvegari í söngkeppni Tækniskólans 2025.

Hér má lesa meira um söngkeppnina.

Tvær deildir innan Tækniskólans taka þátt í samstarfsverkefni Tækniskólans og BYKO sem snýr að því að hanna og byggja sauna­klefa fyrir stórsýninguna Verk og vit sem verður haldin í Laugardalshöll dagana 19.-22. mars.

Verkefnið hófst á hönnunarsamkeppni þar sem fimm hópar, alls 22 nemendur á hönnunar- og nýsköpunarbraut, kynntu sérhannaða sauna­klefa fyrir dómnefnd skipaða fulltrúum Tækniskólans og BYKO.

Þær Matthildur Ingadóttir, Harpa Hua Zi Tómasdóttir og Svandís Halldórsdóttir sigruðu samkeppnina. Hönnun þeirra var mínimalísk og skemmtileg, með áherslu á útsýni og notagildi.

Sigurður Pálsson, for­stjóri BYKO, hitti nemendurna föstudaginn 30. janúar og spjallaði við þau um verkefnið og þakkaði fyrir vel unnar og vandaðar tillögur.

Hér má lesa nánar um hönnunarsamkeppnina.