Hvalrekinn

Ágætu foreldrar

Þá er þessu skólaári næstum lokið. Skólaslit nemenda í 1.- 9. bekk eru föstudaginn 6. júní og hjá nemendum í 10. bekk fimmtudaginn 5. júní. Sjá nánar hér fyrir neðan. Bjóðum við alla velkomna og vonandi sjáum við ykkur sem flest.

Ég óska þess að þið hafið það sem best í sumar. Njótið sumarsins, hlúum að okkar nánustu og mætum hress og kát þegar skólinn hefst að nýju mánudaginn 25. ágúst.

Kristinn Guðlaugsson, skólastjóri.

• Dagskrá bekkja/ árganga má sjá á Mentor.

• Nemendur í 7., 8. og 9. bekk þurfa að skila inn umsókn um valgreinar fyrir næsta skólaár ekki seinna en 31. maí. Valblað nemenda verður sent nemendum og foreldrum í tölvupósti.
  

• Nemendur eiga að skila spjöldum / Ipödum, hleðslutækjum og snúrum og vera búnir að taka lykiloðið af spjaldinu, mánudaginn 2. júní

• Íþróttadagur er þriðjudaginn 3. júní.

• Skólaslit 1-9. bekkjar 6. júní og hjá 10. bekk 5. júní kl. 15:00.

Útskrift nemenda í 10. bekk verður fimmtudaginn 5. júní. Athöfnin fer fram á sal skólans og hefst klukkan 15:00.

Myndataka verður af nemendum að lokinni athöfn.

Að lokinni athöfn er nemendum og gestum þeirra boðið að þiggja kaffiveitingar.

Föstudaginn 6. júní kl. 12:00 verða einkunnir nemenda í 10. bekk lesnar yfir í innritunarkerfi framhaldsskólans og birtar nemendum í umsókn þeirra til framhaldsskólanna.

Skólaslitin í Hvaleyrarskóla verða föstudaginn 6. júní. Mæting nemenda á sal er sem hér segir:

Yngri deild:

• 1. og 2. bekkir kl. 8:30
• 3. og 4. bekkir kl. 9:30

Miðdeild:

• 5., 6. og 7. bekkir kl. 10:30

Elsta deild:

• 8. og 9. bekkir kl. 11:30

Nemendur mæta á sal skólans en fara síðan í sínar heimastofur með umsjónarkennara. Foreldrar eru hjartanlega velkomnir á skólaslitin með sínum börnum.

Vorhátíð Foreldrafélags Hvaleyrarskóla og Hvaleyrarskóla verður haldin þriðjudaginn 3. júní milli kl. 17:00 og 19:00.
Margt skemmtilegt í boði. Hoppukastalar, matarvagnar, andlitsmálning, Candy floss, pylsur, Prettyboitjokkó mætir á svæðið og margt fleira.

Mikilvægt er að slá ekki slöku í lestrinum í sumar. Hér má finna sumarlestur í bingó formi. Við hvetjum nemendur til að lesa eins og vindurinn í fríinu. Skila síðan bingóspjaldinu til Sifjar á bókasafninu eftir sumarið. Mikilvægt að spjöldin séu útfyllt til að fá verðlaunum.

Ef þið viljið lesa meira í sumar þá má hér finna efni frá bókasafninu . Sumarlestur með breyttu sniði frá Bókasafni Hafnarfjarðar.

Hversu margar blaðsíður ætlar þú að lesa í sumar? 🐱‍👓

Skákvertíðinni lauk í gær með Hafnarfjarðarmóti 8.-10. bekkjar sem haldið var í Setbergsskóla. Hvaleyrarskóli sigraði á mótinu, hlaut 18,5 vinninga af 20. Nú Framsýn var í öðru sæti með 12,5 vinninga og Víðistaðaskóli þriðji með 11 vinninga. Viðburðaríkur skákvetur að renna sitt skeið á enda. 🥰🌹

Fyrir viku síðan var Hafnarfjarðarmót miðdeildar 5.-7. bekkjar haldið í Hvaleyrarskóla. Á því móti var Hvaleyrarskóli með tvær sveitir. Þar var Hvaleyrarskóli í fyrsta sæti með 25 vinninga af 28, Víðistaðaskóli hreppti annað sætið með 23 vinninga og B-sveit Hvaleyrarskóla hrppti síðan þriðja sætið með 18 vinninga.
Glæsilegur skákvetur hjá okkar nemendum.

Föstudaginn 16. maí verðum við í Hvaleyrarskóla með hreinsunardag. Árgöngum við skipt á svæði í nágrenni skólans og voru allir úti að tína í 1-2 kennslustundir.

Við vitum að nemendur eiga eftir að standa sig með sóma og taka vel til hendinni. Síðan mun Kristján húsumsjónarmaður fara með það sem safnast af rusli á Sorpu.

Að loknu góðu verki verða grillaðar pylsur á eftir.

Deginum lýkur síðan fyrir kl. 12:00 hjá nemendum. Þeir nemendur sem skráðir eru í Holtasel fara þangað klukkan 12:00.

Skóladagatal Hvaleyrarskóla fyirr komandi skólaár 2024-2025 var samþykkt í skólráði í lok mars. Í framhaldinu fór það til staðfestingar Fræðsluráðs.

Hér má sjá skóladagatalið.

Skólasetning næsta skólaárs verður mánudaginn 25. ágúst. Tímasetningar verða auglýstar þegar nær dregur.

Miðvikudaginn 11. júní hefst sumarfrístund í Holtaseli.

Sumarfrístund fyrir 7-9 ára.
Sumarnámskeið eru starfrækt í frístundaheimilum Hafnarfjarðar. Sumarfrístund inniheldur fjölbreytta dagskrá sem samanstendur af skapandi verkefnum, leikjum, hreyfingu, spennandi ferðum, sundferðum og sameiginlegum viðburðum.

Í Holtaseli, frístundaheimili Hvaleyrarskóla verður sumarfrístund í boði frá 11.-27. júní.

Miðlæg námskeið verða í tveimur grunnskólum Hafnarfjarðar og eru í boði frá 30. júní – 18. júlí. Opið er fyrir skráningu.

• Leiðbeiningar fyrir skráningu
• Dagskrá Sumarfrístundar

Skráning og framboð- https://sumar.vala.is/

Sjá nánar á heimasíðu skólans.

Opnunartími skrifstofu:

Kl. 7:45 - 15:30 mán-fim

Kl. 7:45 - 14:00 fös

Fréttabréf Hvaleyrarskóla. Sent á foreldra nemenda skólans og skólasamfélagið.

Email: hvaleyrarskoli@hvaleyrarskoli.is
Website: www.hvaleyrarskoli.is
Location: Akurholti 1
Phone: 354 565 0200
Facebook: https://www.facebook.com/hvaleyri/