Tæknótíðindi
29. október 2025
Miðvikudaginn 29. október kl. 20:00 bjóða útskriftarnemendur í hársnyrtiiðn til glæsilegrar sýningar í Ráðhúsi Reykjavíkur.
Þema sýningarinnar er litur. Nemendur hafa valið sér lit, litatóna eða litaflóru til að vinna módelin sín útfrá. Þetta er frábært tækifri til þess að sjá skapandi og fjölbreytt verk framtíðar hársnyrta!
Verið öll hjartanlega velkomin — frítt inn.
Þann 5.nóvember kemur Skólaglíman í heimsókn í Tækniskólann á Skólavörðuholti þar sem nokkrir nemendur Tækniskólans fá að spreyta sig í glímu á móti leikmönnum Skólaglímunnar.
Y2K ball Tækniskólans, Borgó og FMOS er síðan daginn eftir þann 6.nóvember en ballið verður í Gamla bíói og þar munu hinir ýmsu listamenn stíga á stokk! Miðasalan fór af stað í dag kl 10:00 og við hvetjum nemendur til að tryggja sér miða.
Nemendur Tækniskólans eiga einnig kost á því að skrá sig á Ping Pong mót sem verður í Hafnarfirði en skráningu lýkur í dag. Þetta er mót sem þið viljið ekki missa af! Þið getið skráð ykkur með því að fara á story NST á instagram.
Ert þú einn þeirra nemenda sem varst í úrtaki og fékkst sendan hlekk á framhaldsskólapúlsinn en átt eftir að svara? Ef svo er hvetjum við þig eindregið til þess að gera það strax í dag en ekki seinna en á föstudag.
Þátttaka í skólapúlsinum er mikilvægur hluti af innra mati Tækniskólans en í könnuninni er m.a. spurt um námsumhverfi, virkni í námi og líðan nemenda. Um 20 mínútur tekur að svara könnuninni og þökkum við þeim sem þegar hafa svarað kærlega fyrir. Frekari upplýsingar um framhaldsskólapúlsinn má finna hér.