Fréttabréf Engidalsskóla des. 2022

Ábyrgð - Virðing - Vellíðan

Fréttabréf Engidalsskóla

Kæru foreldrar/forsjáraðilar.

Fréttabréfið er í styttra lagi að þessu sinni en þó með mikið af myndum úr starfinu. Desember er alltaf skemmtilegur mánuður því þá brjótum við skólastarfið meira upp en venjulega. Margir bekkir hafa farið í vettvangsferðir og allir hafa skreytt stofur og hurðir fallega.

Neðar í fréttabréfinu er að sjá niðurstöður nemenda miðstigs af lýðræðisþinginu sem var í lok nóvember, mjög flott vinna sem við hvetjum ykkur til að skoða.

Það var mjög ánægjulegt að sjá hversu margir sáu sér fært að mæta í jólaföndur foreldrafélagsins. Það munu allir græða á öflugu samstarfi sérstaklega börnin

Litlu jólin í Engidalsskóla verða föstudaginn 16. desember og er það skertur dagur, opið er í Álfakoti frá kl. 11:00. Við hefjum svo skólastarfið aftur þriðjudaginn 3. janúar samkvæmt stundatöflu. Nánara skipulag á dagskránni má sjá neðar í fréttabréfinu.

Við vonum að allir njóti sín í fríinu, með bestu kveðju og von um gleðilega jólahátíð,

stjórnendur Engidalsskóla.

zoom_out_map

Lýðræðisþing miðstigs

Eins og fram kom í síðasta fréttabréfi var haldið lýðræðisþing miðstigs 25. nóvember. Föstudaginn 2. desember var vinnunni haldið áfram og nemendur settu fram sínar niðurstöður ýmist á pappír í formi veggspjalda eða stafrænt, hlaðvarp og myndbönd :). Hér fyrir neðan eru Qr code sem leiðir ykkur á myndband og hlaðvarp.